Login to your account

Username
Password
Remember Me

Create an account

Fields marked with an asterisk (*) are required.
Name
Username
Password
Verify password
Email
Verify email

Macedonia Hunting

Ловечкиот испит од утре се полага со олеснети критериуми

Written by  Published in: Разно

Министерот за земјоделство, шумарство и водостопанство денеска оствари средба со ловџиите во Струмица, на која ги најави новите критериуми за полагање на ловечкиот испит.

„Со измените на законот за ловство кои што ги направивме, со укинувањето на електронското полагање кое што се одвиваше само во Скопје, од сега ќе се одвива низ целата територија на Република Македонија, а започнува од утре, 9-ти Јуни во Пехчево“ – изјави министерот Љупчо Николовски

Со законските измени процедурата е поедноставена, а електронското полагање кое досега беше само во Скопје, се укинува. Полагањето од сега ќе се одвива низ цела Македонија.

Како што напомена министерот, по Пехчево, испитот продолжува да се спроведува во Кичево, Скопје, Струмица и на 30 јуни во Крива Паланка.

- Од утре од Пехчево почнува полагањето на ловечкиот испит и со тоа им овозможуваме на околу 2.000 апликанти, кои со години чекаат да полагаат, да го положат ловечкиот испит, истакна Николовски на средбата со ловни друштва од струмичкиот регион, Валандово и Радовиш.

Според претходниот закон од 2013 година ловечкиот испит се полагаше електронски и вклучуваше непотребни трошоци. Не беше земено предвид дека голем дел од кандидатите се во поодминати години или немаат познавања за работа со персонален компјутер. Од друга страна, одделно се полагаа првиот и вториот дел на испитот, што им наметнуваше дури до 150 евра повеќе трошоци на кандидатите, а непотребно се плаќаа и услугите за правното лице задолжено да го спроведува испитот.

Неефикасноста на начинот на полагање доведе до поразителни броеви на положени кандидати. Така, во просек испитот го полагале околу 500 кандидати годишно, а бројот на барања оди и до 2000 кандидати кои чекаат дури 2 години. Заради зафатеност на испитниот центар беа поставени и ограничувања, според кои сесии се одржуваа само 2-3 пати годишно.

Новите промени значително ја поедноставуваат непотребно отежнатата процедура и нудат поповолни услови за кандидатите. Имено, во ист ден ќе се полагаат двата дела од испитот, теоретскиот и практичниот. Предвидено е усмено одговарање на определен број прашања според програма за полагање на ловечкиот испит во која се содржани градивото и прописите. Има и дополнителна поволност за преместување на терминот за полагање во следната сесија, доколку кандидатот од оправдани причини не може да присуствува на денот на полагањето на испитот.

Стручната комисија за полагање на ловечки испит секоја година ќе подготвува и верификува база на прашања за полагање на ловечкиот испит, изработени врз основа на програмата за полагање на ловечкиот испит и истите ќе бидат јавно објавени на веб страницата на Министерството за земјоделство, шумарство и водостопанство.

 

 

Weather

Rain

16°C

Skopje

Rain
Humidity: 89%
Wind: SW at 17.70 km/h
Tuesday
Scattered showers
20°C / 31°C
Wednesday
Partly cloudy
17°C / 27°C
Thursday
Partly cloudy
16°C / 26°C
Friday
Partly cloudy
17°C / 27°C

Translator

Visitors Counter

758443
Today
Yesterday
This Week
This Month
All days
34
587
3410
8298
758443

Your IP: 54.92.163.188
Server Time: 2018-07-16 02:24:03
Web Analytics